ជំងឺសរសៃឈាមក្រហម
សរសៃឈាមក្រហមធំ គឺជាសរសៃឈាមដែលផ្ទុកឈាមសម្បូរអុកស៊ីហ្សែនចេញពីបេះដូងទៅគ្រប់សរីរាង្គនៅក្នុងខ្លួន។ សរសៃឈាមក្រហមចាប់ផ្តើមនៅក្នុងបេះដូងធ្វើដំណើរឆ្ពោះទៅ ពត់កោង និងរត់តាមឆ្អឹងខ្នង។ បន្ទាប់មក វាឆ្លងកាត់ទៅបំពង់ចន្លោះពោះ និងដើមទ្រូង មុនពេលបំបែកទៅជាសាខាដែលផ្គត់ផ្គង់ឈាមទៅជើង និងឆ្អឹងអាងត្រគាក។ សរសៃឈាមក្រហមធំ គឺមានសារៈសំខាន់ហាក់ដូចជាបំពង់ទឹកមេដែរ។ វាបញ្ជូនឈាមអុកស៊ីសែនទៅសរីរាង្គសំខាន់ ដូចជាបេះដូង ខួរក្បាល ខួរឆ្អឹង ខ្នងអវយវៈ និងសរីរាង្គពោះ រួមទាំងថ្លើម តម្រងនោម និងពោះវៀនធំ។ ហេតុដូច្នេះ ភាពមិនធម្មតានៃសរសៃឈាមក្រហមធំ អាចប៉ះពាល់ដល់ផ្នែកផ្សេងៗនៃរាងកាយ ហើយប្រសិនបើជំងឺដាច់សរសៃឈាម អាចបណ្តាលឱ្យស្លាប់។
រោគសញ្ញា
អ្នកជំងឺជាច្រើនមិនមានរោគសញ្ញាអ្វីទេ ហើយសរសៃឈាមត្រូវបានរកឃើញដោយចៃដន្យពីកាំរស្មីអ៊ិច ឬ ម៉ាសជីពចរនៅក្នុងក្រពះ។ ប៉ុន្តែអ្នកជំងឺដែលមានជំងឺសរសៃឈាមក្រហម អាចមានរោគសញ្ញាដោយសារតែការសង្កត់លើសរីរាង្គនៅក្បែរនោះ អាចជាការពិបាកដកដង្ហើមបណ្តាលមកពីសម្ពាធលើបំពង់ខ្យល់ ការពិបាកលេបចូលក្នុងបំពង់អាហារបណ្តាលមកពីសម្ពាធលើបំពង់អាហារ ឬភាពស្អកបណ្តាលមកពីសម្ពាធនៃសរសៃបំពង់ក។ លើសពីនេះទៅទៀត ការឈឺទ្រូង ឬឆ្អឹងខ្នង ការបាត់បង់ស្មារតី ឬការក្អកចេញឈាម ក៏អាចជាសញ្ញានៃការធ្លាយ ឬការដាច់សរសៃឈាមផងដែរ។
កត្តាហានិភ័យ
ជំងឺសរសៃឈាមក្រហមធំ ជាញឹកញាប់ត្រូវបានគេរកឃើញនៅក្នុងមនុស្សចាស់ ឬមនុស្សដែលមានជំងឺសេនេទិចដូចជា Marfan (ភាពមិនប្រក្រតីនៅក្នុងផ្នែកជាច្រើននៃរាងកាយ មនុស្សដែលមាន Marfan ភាគច្រើន មានកម្ពស់ខ្ពស់ និងស្គម ព្រមទាំងមានដៃជើងជើងម្រាមដៃវែងៗ និងក្រអូមមាត់ធំ បញ្ហាភ្នែក និងបេះដូងចំហ) ។ បញ្ហាសរសៃឈាម អាចកើតមានតាំងពីវ័យក្មេង។
ការជក់បារី ជំងឺលើសឈាម និងជំងឺសួតរ៉ាំរ៉ៃ ទាំងអស់គឺជាកត្តាហានិភ័យនៃជំងឺសរសៃឈាមក្រហម។
ការព្យាបាលជម្មើសជំនួសថ្មី
Endometrial Aortic Aneurysm Repair (EVAR) សម្រាប់ការវះកាត់សរសៃឈាមក្នុងពោះ (AAA) និង Thoracic Aortic Aneurysm (TEVAR) សម្រាប់ការជួសជុលការស្ទះសរសៃឈាម ក្លាយទៅជាជម្រើសព្យាបាលថ្មីដ៏មានប្រសិទ្ធភាព។ ការប្រើប្រាស់រូបភាពកាំរស្មីអ៊ិចសម្រាប់ការណែនាំ សរសៃ stent-graft ត្រូវបានបញ្ចូលតាមរយៈសរសៃឈាមឡើងដល់សរសៃឈាមក្រហម ដែលជាកន្លែងសរសៃឈាមក្រហមឡើងប៉ោង។ បន្ទាប់មក តំបន់ប៉ោងសរសៃ ត្រូវបានពង្រីក ហើយត្រូវបានរឹតនឹងកន្លែងដើម្បីបង្កើតជាស្ថេរភាពនៃលំហូរឈាម ដើម្បីបង្ការកុំអោយសរសៃឈាមធ្លាយ ។ អត្ថប្រយោជន៍នៃបច្ចេកទេសនេះ គឺវាពាក់ព័ន្ធនឹងតែការវះមុខកាត់តូចមួយ; ដូច្នេះវាមានការរីករាលដាលតិចតួច ការឈឺចាប់តិច បាត់បង់ឈាមតិច ពេលវេលាឆាប់រហ័ស និងផលវិបាកតិចជាងការវះកាត់បើកចំហ។ ទោះជាយ៉ាងណា ការវះកាត់សរសៃឈាមវ៉ែន ក៏តម្រូវឱ្យមានកត្តាដទៃទៀត ដូចជាចំណេះដឹង និងបទពិសោធន៍របស់គ្រូពេទ្យវះកាត់បន្ទប់វះកាត់ បន្ទប់វះកាត់ស្តង់ដារដែលត្រូវបានរចនាឡើងសម្រាប់ករណីស្មុគស្មាញនៃការវះកាត់។
បន្ទប់វះកាត់ហាយប្រ៊ីដ គឺសាកសមសម្រាប់អ្នកជំងឺ ដែលត្រូវការការអន្តរាគមន៍តាមបំពង់បញ្ចូល និងសម្រាប់អ្នកជំងឺដែលមានហានិភ័យខ្ពស់នៃការវះកាត់កែតម្រូវ នៅពេលមានផលវិបាក ឬកំហុសឆ្គងកើតឡើងចំពោះដំណើរការសរសៃឈាមវ៉ែន នាំមកនូវលទ្ធផលនៃផលវិបាកតិចតួច។ វាក៏សមរម្យសម្រាប់ ការវះកាត់ប្តូរសន្ទះបេះដូងតាមរយៈបំពង់បូម (TAVI) ដែលអាចធ្វើបានដោយមិនចាំបាច់បើកបេះដូង ជាពិសេសសម្រាប់អ្នកជំងឺដែលមានហានិភ័យខ្ពស់ក្នុងការវះកាត់ធំ ៗ និងការព្យាបាលមួយចំនួនដែលត្រូវធ្វើរួមគ្នាដើម្បីប្រសិទ្ធិភាពខ្ពស់បំផុតដូចជាវះកាត់បេះដូងដោយប្រព័ន្ធអគ្គីសនី (Cardiac Electrophysiology) ជាដើម។
បន្ទប់វះកាត់ហាយប្រ៊ីដ ត្រូវបានរចនាឡើងយ៉ាងពិសេស សម្រាប់ក្រុមពហុជំនាញដើម្បីធ្វើការរួមគ្នាក្នុងពេលដំណាលគ្នា ដូចជាគ្រូពេទ្យវះកាត់ រូបភាពវេជ្ជសាស្រ្ត អ្នកឯកទេសខាងជំងឺបេះដូង គ្រូពេទ្យថ្នាំសណ្តំ គិលានុបដ្ឋាយិកា និងអ្នកបច្ចេកទេស។ បច្ចេកវិជ្ជារូបភាពវេជ្ជសាស្ត្រ -Flexmove- នៅក្នុងបន្ទប់វះកាត់ហាយប្រ៊ីដ អាចប្តូរទីតាំងបាន 360 ដឺក្រេ ដើម្បីបង្កើតរូបភាព 3D ដែលអាចឱ្យគ្រូពេទ្យដឹងពីទីតាំងពិតប្រាកដនៃជំងឺបេះដូងតាមអេក្រង់ LED។ មន្ទីរពេទ្យផះយ៉ាថៃ 2 បាននាំយកបច្ចេកវិទ្យាទំនើបដើម្បីព្យាបាលជំងឺសរសៃឈាមក្រហម ដែលការធានាថាសុវត្ថិភាពអ្នកជំងឺ គឺជាអាទិភាពមួយ។
អ្នកអាចទាក់ទងមកកាន់អ្នកឯកទេសរបស់យើងនៅមជ្ឈមណ្ឌលបេះដូង
មន្ទីរពេទ្យផះយ៉ាថៃ 2
មជ្ឈមណ្ឌលឆ្លើយឆ្លងព័ត៌មានអន្តរជាតិ
ទូរស័ព្ទ៖ + 66-2617-2444 ext. 2020 ឬ 2047 អ៊ីម៉ែល៖ onestop@phyathai.com
