onestop@phyathai.com
@pt2_inter
Phyathai 2 Cambodia
PT2Chinese
phyathai2inter
Phyathai Call Center 1772, +662-617-2444 ext.3143, 3164
វិចិត្រសាល |
អំពី |
ទំនាក់ទំនងt
Language
ဦးနှောက်သွေးကြောပိတ်ပြီး ၄.၅ နာရီအတွင်း ဆေးမကုသနိုင်ပါက အသက်ရှင်နိုင်ခွင့်ရှိပါလား
လေဖြတ်ခြင်းရောဂါဖြစ်ရခြင်းမှာဦးနှောက်သွေးကြောအတွင်းသို့သွေးမရောက်ခြင်းကြောင့်ဖြစ်ပါသည်။လေဖြတ်ခြင်းကြောင့် သွေးကြောပိတ်ခြင်း၊ကွဲခြင်းများဖြစ်ပြီး အချိန်မှီမကုသပါက လူနာသည်မသန်မစွမ်းဖြစ်ခြင်း သို့မဟုတ်သေဆုံးခြင်းများဖြစ်တတ်ပါသည်။လေဖြတ်ခြင်းလက္ခဏာမှာ ဦးနှောက်သည် ခန္ဓာကိုယ်အစိတ်အပိုင်းများကို ထိန်းချုပ်ထားသောကြောင့် ပါးစောင်းခြင်း၊နှုတ်ခမ်းရွဲ့ခြင်း၊သွားရည်ယိုခြင်း၊စကားမပီခြင်း၊အသံမထွက်ခြင်း၊နှုတ်ခမ်းထုံကျင်ခြင်း၊ခြေလက်အားလျော့ခြင်း၊အရာဝတ္ထုများမမနိုင်ခြင်းစသည်တို့ကို ၇၀ရာခိုင်နှုန်းမှ၈၀ရာခိုင်နှုန်းထိတွေ့ရတတ်သည်။ဖရားထိုင်းဆေးရုံ၂၊ဦးနှောက်နှင့်အာရုံကြောအထူးကုဌာန DR.PUCHI SUKPHULLOPRAT ရဲ့ညွှန်ပြချက်အရ အဆိုပါလက္ခဏာများတွေ့ရှိပါက ဦးနှောက်ဆဲလ်များ စက္ကန့်နှင့်အမျှသေဆုံးနေသည့်အတွက်လူနာကိုဆေးရုံသို့အမြန်ဆုံးပို့ဆောင်ရန်လိုအပ်ပါသည်။
အချိန်သည်သာအဓိကအရေးကြီးဆုံးဖြစ်ပါသည်
ထိုင်းနိုင်ငံတွင်Intravenous Thrombotic နည်းဖြင့်လေဖြတ်ကုသနည်းကို အတွင်အကျယ်ကုသပေးနေပါသည်။လူနာလက္ခဏာစတွေ့ချိန်မှစပြီး၃နာရီမှ၄နာရီချိန်တွင်းစစ်ဆေးပေးခြင်းသည်အန္တရာယ်အကင်းဆုံးအချိန်ပင်ဖြစ်သည်။ဒီထက်အချိန်လွန်ပြီးကုသမှုမခံယူပါက ဦးနှောက်တစ်ရှူးများသေဆုံးပြီး အချိန်မီမကုသနိုင်ပဲ ဆေးဝါး၏ ဘေးထွက်ဆိုးကျိုးမှာ ကောင်းကျိုးထက် ဆိုးကျိုးပိုများနိုင်ပါသည်။
အချိန်လေးနာရီခွဲထက်ကြာမြင့်ပြီး ဆေးရုံကိုရောက်ရှိလာပါက Intravenous Thromboticနည်းဖြင့် မကုသနိုင်သော်လည်းလူနာအခြေအနေကိုကြည့်ပြီးသင့်တော်သောကုသနည်းကိုရွေးခြယ်ပြီးတခြားသောနည်းလမ်းဖြင့်ကုသနိုင်ပါသည်။
ဆေးရုံသို့ ရောက်ရောက်ခြင်းပထမဆုံးချိန်တွင်ဆရာဝန်သည် လူနာ၏သွေးကြောများကို CT scan နှင့် MRT ဖတ်ခြင်း သို့မဟုတ်သွေးကြောများကို အရောင်သွင်းကြည့်ခြင်းဖြင့် ရောဂါပြင်းထန်မှုအခြေအနေကို မှန်ကန်စွာအကဲဖြတ်ပြီးမှ နောက်တစ်ဆင့်ကုသနည်းကိုရွေးခြယ်မှာဖြစ်ပါသည်။
ဆရာဝန်၏ပြောပြချက်အရ သွေးကြောပိတ်ပြီး ဦးနှောက်ထစ်ရှူးများလွန်စွာမသေဆုံးသေးသောလူနာများအတွက် ပိတ်နေသောသွေးကြောများပြန်ဖွင့်ရန် တခြားသောနည်းလမ်းများဖြင့်လည်းကုသနိုင်ပါသည်။ဥပမာပိတ်နေသောသွေးကြောထဲသို့သွေးခဲများအရည်ပျော်အောင်ဆေးသွင်းခြင်းသို့မဟုတ်သေးငယ်သောပြွန်ကြိုးဖြင့်သွေးကြောထဲသို့ထိုးသွင်းပြီးသွေးခဲများကိုစုပ်ထုတ်ခြင်းဖြင့်ကုသနိုင်ပါသည်။သို့သော်ဆံချည်မျှင်မျှသေးငယ်သောသွေးကြောများပိတ်လျှင် စုပ်ထုတ်သောကိရိယာများထည့်သွင်းမရသည့်အတွက် သွေးမရောက်သောနေရာတဝိုက်ဆဲလ်များအသေခံရန်သာဖြစ်ပါသည်။ဒါကြောင့်သွေးကြောများထပ်မံပိတ်ဆို့ခြင်းမရှိစေရန် Antiplatelet သွေးကြဲဆေးနဲ့ သွေးမခဲအောင်ကာကွယ်သော Anticoagulant ဆေးများဖြင့်ကုသရပါမည်။ သွေးကြောမျှင်များပိတ်ဆို့ခြင်းသည် သွေးကြောမကြီးပိတ်ဆို့ခြင်းထက် အန္တရာယ်မမြင့်မားပါ။
သွေးကြောဖွင့်ကုသနည်းကိုများသောအားဖြင့် ပေါင်ခြံဧရိယာမှဆေးထိုးအပ်ထိုးသွင်းသောကြောင့် ဆေးထိုးအပ်ဖြင့်ကုသရန်တားမြစ်ထားသောလူနာများ၊သာမာန်ထက်သွေးထွက်လွန်တတ်သောလူနာများ၊သို့မဟုတ် ကူးစက်မှုအနာကြောင့် ဆေးထိုးရန်မသင့်သောလူနာများသည် အကြောတွင်း သွေးခဲများအရည်ပျော်အောင်ဆေးသွင်းသောနည်းဖြင့်ကုသရမည်ဖြစ်ပါသည်။
လေဖြတ်ရောဂါနှင့်နှင့်အတူတွေ့ရတတ်သောတခြားရောဂါများ
လေဖြတ်ခြင်းမှ လိုက်ပါလာသောရောဂါများသည် တိုက်ရိုက်သော်လည်းကောင်း သွယ်ဝိုက်သော်လည်းကောင်းတွေ့ရတတ်သည်။တိုက်ရိုက်တွေ့ရသောရောဂါမှာဦးနှောက်အစိတ်အပိုင်းအတွင်းသွေးရောက်ရှိပေါ်မူတည်ပြီး ခြေလက်အားမရှိခြင်း၊ မထနိုင်ခြင်းစသည်တို့ကြောင့် အိပ်ယာနာဖြစ်ခြင်းသို့မဟုတ်အစာမြိုရခက်ခဲခြင်း၊အသက်ရှူခက်ခြင်းကြောင့်အဆုတ်ကိုရောဂါပိုးကူးစက်နိုင်ပါသည်။
သက်ရောက်မှုရှိသောဆိုးကျိုးမှာလူအများသတိမထားမိသောသို့မဟုတ်လေဖြတ်ရောဂါနှင့်သက်ဆိုင်ခြင်းရှိသည်ကိုမသိရှိသေးသောအတိတ်မေ့ခြင်းရောဂါပင်ဖြစ်ပါသည်။ဦးနှောက်သွေးကြောပိတ်ခြင်းကြောင့်အတိတ်မေ့ရောဂါဖြစ်ရခြင်းကိုလူအများမသိရှိသည်မှာအမှန်ပင်ဖြစ်ပါသည်။အယ်လ်ဇိုင်းမားရောဂါသည်လည်းဒုတိယအများဆုံးမကြာခဏတွေ့ရတတ်သောရောဂါပင်ဖြစ်ပါသည်။
လေဖြတ်ခြင်းရောဂါအန္တရာယ်ကိုလျော့ချခြင်း
သွေးကြောပိတ်ရခြင်း၏ အဓိကအကြောင်းရင်းမှာ ပထမအချက်လူအများ ရှောင်လွဲ၍မရ သောအသက်အရွယ်ကြီးရင့်လာခြင်းပင်ဖြစ်ပါသည်။လူတိုင်းအသက်အရွယ်ကြီးလာတာနှင့်အမျှသွေးကြောများတဖြည်းဖြည်းကျဉ်းပြီးပိတ်ဆို့တတ်ပါသည်။ဒုတိယအကြောင်းရင်းမှာမျိုးရိုးလိုက်ခြင်းကြောင့်ဖြစ်ပါသည်။တချို့သောမိသားစုများတွင်မိဘများသွေးကြောပိတ်ရောသောမိသားစုများတွင်မိဘများသွေးကြောပိတ်ရောဂါဖြစ်ပါကမျိုးရိုးလိုက်ခြင်းကြောင့်သားသမီးများတွင်လဲဖြစ်တတ်ပါသည်။မျိုးရိုးလိုက်တတ်ခြင်းပြသနာကိုမဖြေရှင်းနိုင်သော်လည်းကာကွယ်နိုင်ပါသည်။၎င်းမှာသွေးဖိအားနှင့်အဆီမတက်အောင်ထိန်းသိမ်းခြင်း၊သွေးတွင်းသကြားဓာတ်ပုံမှန်ဖြစ်အောင်ထိန်းသိမ်းခြင်း၊အဆီအငံနှင့်အချိုဓာတ်လွန်ကဲသောအစားအစာများကိုရှောင်ကြဉ်ခြင်း၊ဆေးလိပ်အရက်ရှောင်ကြဉ်ခြင်း၊လေ့ကျင့်ခန်းပုံမှန်လုပ်ခြင်းနှင့်ခန္ဓာကိုယ်ကျန်းမာအောင်နေခြင်း နှစ်စဉ်ပုံမှန်ဆေးစစ်ခြင်းဖြင့် လေဖြတ်ခြင်းအန္ဓာရာယ်ကိုကာကွယ်လျော့ချနိုင်ပါမည်။
ဖရာထိုင္း 2 ေဆးရံု
အျပည္ျပည္ဆိုင္ရာ ဆက္သြယ္ျပန္ၾကားေရး စင္တာ
ဖုန္း: +66-2617-2444 ext. 2020, 2047။ အီးေမး: onestop@phyathai.com